من الآخِر

 ps: read it in lebanese.

هل مرّة
بلا تفزلُك
هيك لح نحكي
صار بدّا فشّة خلق
...فلتِت الأمور عن السيطرة
بعد فيشي ما بكينا علي؟
بعد فيشي ما وقف بالدرب؟
بعد فيشي ما حطّمنا و رجّعنا ١٠٠ فشخا لورا؟
معلِش
هل حقيقة
إيه خايفين
من شو؟
 من كلشي
 "plan" خايفين نتأمّل و نحط
لسنة الجاي، و يتخرّب كلشي و نبلّش عن جديد
خايفين
كل حدا يعيش محل
بعاد عن القريب
قراب من البعيد
...مش عارفين وين رايحين
خوف تخسر حدا أنت و بعيد
تتمنّا لو قضّيت آخر إيامن معُن
لو فيك تظبّط قصَص
...بسّ لتضلّ شويّ زغيرة بسّ
بعد فيشي ما بكينا علي؟
ِِتِطَّلَّع بمُجتمَع
مْبَنَّج
عايشين برُضوخ
مفكرين هيل الطريق الوحيدة
..."هيك عأساس"
بعد فيشي ما نقهرنا علي؟
وجوه أهالي زعلانين
ولادن فِلّين
هنّي فِلّين
بسّ كرمال شقفِة وَرَق
..."بتشتري فييُّن "سعادتَك
بعد فيشي ما بكينا علي؟
قلوب مدمّرة
...بيوت مدمّرة
لأ
...مَبَق فيشي ما بكينا علي
...عم نحارب بسّ لنعيش بِأمان
...بعيد عن كلشي قريب
عَطول بقول خلّيني ساكتِة
بسّ هل مرّة بالذات
انتهى التفكير
لدموع ما عم تِنشَف
.صار وقت نِحكي
هيك
...عَ طريقتنا
.ما بق فيشي ما بكينا علي